வெள்ள நீர் பெருக்கத்தை தொடர்ந்து தொற்று நோய்கள் பரவும் அபாயம் அதிகரித்துள்ளதாக பொது சுகாதார பரிசோதகர்கள் சங்கம் கவலை தெரிவித்துள்ளது.
பொதுமக்கள் தங்கள் உடல்நலம் மற்றும் சுகாதாரம் குறித்து விழிப்புடன் இருக்குமாறு கேட்டுக் கொள்கிறார்கள்.
வெள்ள நீரினால் பாதிக்கப்பட்ட நபர்கள் குறிப்பாக வயிற்றுப்போக்கு, லெப்டோஸ்பிரோசிஸ் மற்றும் புழு தொல்லை போன்ற நோய்களுக்கு ஆளாக நேரிடும் என சங்கத்தின் சந்துன் ரத்நாயக்க தெரிவித்தார்.
இக் காலகட்டத்தில் சுத்தமான, புதிய மற்றும் சூடான உணவுகளை மட்டுமே உட்கொள்வதையும், வேகவைத்த அல்லது பாட்டில்களில் அடைக்கப்பட்ட தண்ணீரைப் பயன்படுத்துவதையும் வலியுறுத்திய ரத்நாயக்க, மேற்கண்ட நோய்களின் அறிகுறிகளை அனுபவித்தால் உடனடியாக மருத்துவ உதவியை நாடுமாறு வலியுறுத்தியுள்ளார்.
மேலும், வெள்ளநீரில் தோலில் காயங்கள் அல்லது கீறல்கள் உள்ளவர்களுக்கு லெப்டோஸ்பிரோசிஸ் ஏற்படும் அபாயத்தை அவர் எடுத்துரைத்தார்.
இச் செய்தியினை ஏனையவர்களுக்கும் பகிர…👇👇
