அதிவேக லேசர் தொழில்நுட்பத்தில் நீண்ட காலமாக நிலவிய மர்மத்தை உடைத்த சர்வதேச விஞ்ஞானிகள் குழு!

அதிவேக லேசர் (Ultrafast Laser) தொழில்நுட்பத்தில் நீண்ட காலமாக நிலவி வந்த மர்மம் ஒன்றை சர்வதேச விஞ்ஞானிகள் குழு தற்போது உடைத்துள்ளது. அஸ்டன் பல்கலைக்கழக விஞ்ஞானிகள் உள்ளிட்ட குழுவினர், “ப்ரீதர்” (Breather) லேசர் துடிப்புகளின் சிக்கலான செயல்பாடுகளை விளக்கும் ஒரு புதிய ஒருங்கிணைந்த கணித மாதிரியை உருவாக்கியுள்ளனர்.

அல்ட்ராஃபாஸ்ட் லேசர்கள் என்பவை மிகக் குறுகிய காலத்தில் ஒளியை உமிழக்கூடியவை. இதில் ‘சோலிட்டான்கள்’ எனப்படும் ஒளி அலைகள் சுருங்கி விரியும் தன்மையைக் கொண்டுள்ளன. இது மனிதன் சுவாசிப்பது போன்ற ஒரு சுழற்சியைக் கொண்டிருப்பதால் ‘ப்ரீதர்’ லேசர்கள் என அழைக்கப்படுகின்றன.

இதுவரை, இந்த லேசர்கள் அதிக மின்சக்தியில் (Above-threshold) இயங்கும்போதும், குறைந்த மின்சக்தியில் (Below-threshold) இயங்கும்போதும் தனித்தனியாகவே ஆய்வு செய்யப்பட்டன. இந்த இரண்டு நிலைகளுக்கும் வெவ்வேறு விதமான கணித விளக்கங்கள் தேவைப்பட்டன.

மருத்துவர் சோனியா போஸ்கோலோ தலைமையிலான குழு, இந்த இரண்டு மாறுபட்ட நடத்தைகளையும் ஒரே கட்டமைப்பிற்குள் கொண்டு வந்துள்ளனர். இதன் மூலம் லேசரின் வேகமான மற்றும் மெதுவான சுழற்சிகளை ஒரே நேரத்தில் துல்லியமாகக் கணிக்க முடியும்.

இந்த புதிய கண்டுபிடிப்பு எதிர்காலத்தில் மருத்துவத் துறையில் இன்னும் துல்லியமான கண் அறுவை சிகிச்சை கருவிகளுக்கு பயன்படுத்த முடியுமாக இருக்கும் என்பதுடன் நுணுக்கமான பொருள் பதப்படுத்துதல் (Precision Processing) அதிவேக தரவு பரிமாற்றத்திற்கான ஒளிக்கற்றை கட்டுப்பாடுகளுக்கும் இவை பயன்படுத்தப்படும் என எதிர்பார்க்கப்படுகின்றது.

இச் செய்தியினை ஏனையவர்களுக்கும் பகிர…👇👇