மட்டக்களப்பு புனித மிக்கேல் தேசிய பாடசாலையின் வருடாந்த இல்ல விளையாட்டுப் போட்டி பாடசாலையின் அதிபர் அன்ரன் பெனடிக் ஜோசப் தலைமையில் வெபர் மைதானத்தில் 06.03.2024 அன்று இடம்பெற்றது.
பாடசாலை மாணவர்களின் பாண்டு வாத்திய இசை முழங்க அதிதிகள் வரவேற்கப்பட்டதனைத் தொடர்ந்து, தேசிய கொடி ஏற்றப்பட்டு, தேசிய கீதம் இசைக்கப்பட்டதுடன் இல்ல விளையாட்டுப் போட்டி நிகழ்வுகள் ஆரம்பமாகியது.
நிகழ்வில் மட்டக்களப்பு மறை மாவட்ட ஆயர் யோசப் பொன்னையா ஆண்டகை கலந்து கொண்டதுடன் , நிகழ்விற்கு பிரதம அதிதியாக மட்டக்களப்பு மாவட்ட அரசாங்க அதிபர் திருமதி ஜஸ்டினா முரளிதரன் கலந்துகொண்டார்.
இதன் போது பிரதம அதிதிகளுக்கு மாணவர்களின் அணிவகுப்பு மரியாதை செலுத்தப்பட்டதுடன் விளையாட்டு நிகழ்வுகள் இடம்பெற்றன.
அதிதிகளுக்கு நினைவுப் பரிசில்கள் வழங்கி வைக்கப்பட்டதுடன் போட்டியில் வெற்றியீட்டிய மாணவர்களுக்கும் இல்லங்களுக்கும் வெற்றிக் கிண்ணங்களும் சான்றிதழ்களும் அதிதிகளினால் வழங்கிவைக்கப்பட்டன.
இவ் வருட இல்ல விளையாட்டுப் போட்டியில் முதலாம் இடத்தினை மரியன் இல்லமும் இரண்டாம் இடத்தை மில்லர் இல்லமும் மூன்றாம் இடத்தை வேணல் இல்லமும் நான்காவது இடத்தை கிரவுதர் இல்லமும் பெற்றுக்கொண்டன.
இந் நிகழ்வில் பழைய மாணவர்கள் சங்கத்தின் தலைவர் இயேசு சபை துறவிகளின் மேலாளர் அருட்தந்தை சகாயநாதன் அடிகளார், அருட்தந்தை போல் சற்குணநாயகம் அடிகளார் விசேட அதிதியாக பிரதி கல்வி பணிப்பாளர் திருமதி சி.சுபாகரன் மற்றும் 243 இராணுவ படைப்பிரிவின் கட்டளைத் தளபதி பிரிகேடியர் சன்டிம குமாரசிங்க ஆகியோர் கலந்து கொண்டதுடன் சிறப்பு விருந்தினராக உடற்கல்வி பிரதி பணிப்பாளர் வி.லவக்குமார், குட்செப்பட் பாடசாலையின் அதிபர் விரயன் சரவணமுத்து , பாடசாலையின் பிரதி அதிபர்கள், ஆசிரியர்கள், பழைய மாணவர்கள் சங்க பொது செயலாளர் கு.சகாந்தன், பெற்றோர்கள் எனப்பலரும் கலந்துகொண்டனர்.
இச் செய்தியினை ஏனையவர்களுக்கும் பகிர…👇👇
