—×××—×××—
மட்டக்களப்பு றோட்டரிக் கழகத்தின் – Rotary Club of Batticaloa Heritage (RCBH) ஏற்பாட்டில் “வெற்றிக்கான மென் திறன்கள்” (Soft Skills for Success – S3) எனும் தலைப்பிலான செயலமர்வொன்று 8-3-2024 அன்று மட்டக்களப்பு இந்துக் கல்லூரி மாணவர்களுக்கு நடாத்தப்பட்டது.
கல்லூரியின் பதில் உதவி அதிபர் திரு. எ. பிரியகாந்தனின் தலைமையில், KTP Consultancy & Training நிறுவனத்தின் நிறுவுனரும் பயிற்றுவிப்பாளருமான கலாநிதி. துரைராஜா பிரஷாந்தனினால் நடாத்தப்பட்ட இச் செயலமர்வில் RCBH இன் தலைவர் கே. கௌரிஸ்வரன் மற்றும் எந்திரி. புஜிந்தரன் ஆகியோரும், சுமார் 50 இற்கும் மேற்பட்ட மாணவர்களும் கலந்து கொண்டனர்.
RCBH இன் மாவட்ட மானியத்தின் (District Grant) செயற்றிட்டமாக இடம்பெறும் இச்செயலமர்விற்காக மட்டக்களப்பு மாவட்டத்தில் ஐந்து பாடசாலைகள் தெரிவு செய்யப்பட்டுள்ளமை குறிப்பிடத்தக்கது .
