2024ஆம் ஆண்டு டிசம்பர் மாதத்திற்கான ஐசிசியின் சிறந்த வீரருக்கான பரிந்துரைப் பட்டியலில் இந்திய அணியின் வேகப்பந்து வீச்சாளர் ஜஸ்பிரித் பும்ரா இடம்பெற்றுள்ளார்.
ஐ.சி.சி ஒவ்வொரு மாதமும் சிறந்த வீரர் மற்றும் வீராங்கனையைத் தெரிவு செய்து வருகிறது.
அதன்படி, 2024ஆம் ஆண்டு டிசம்பர் மாதத்திற்கான சிறந்த வீரர் மற்றும் வீராங்கனையைத் தெரிவு செய்ய தலா 3 வீரர்கள் மற்றும் வீராங்கனைகளை ஐ.சி.சி அறிவித்துள்ளது.
சிறந்த வீரர்களுக்கான பரிந்துரை பெயர்ப்பட்டியலில் இந்திய அணியின் வேகப்பந்து வீச்சாளர் ஜஸ்பிரித் பும்ரா, அவுஸ்திரேலியாவின் வேகப்பந்து வீச்சாளர் பெட் கம்மின்ஸ் மற்றும் தென்னாபிரிக்க வீரர் டேன் பீட்டர்சன் ஆகியோர் இடம்பெற்றுள்ளனர்.
இதேவேளை சிறந்த வீராங்கனை விருதிற்கான பரிந்துரை பெயர்ப்பட்டியலில் இந்திய வீராங்கனை ஸ்மிருதி மந்தனா, தென்னாபிரிக்காவை சேர்ந்த நோன்குலுலேகோ லபா மற்றும் அவுஸ்திரேலிய வீராங்கனை அன்னபெல் சதர்லேண்ட் , ஆகியோர் இடம்பெற்றுள்ளனர்.
இச் செய்தியினை ஏனையவர்களுக்கும் பகிர…👇👇
