இலங்கையின் 77 ஆவது சுதந்திர தினத்தை குறைந்த செலவில் அனுஷ்டிப்பதற்கு தீர்மானிக்கப்பட்டுள்ளதாக பொதுநிர்வாக , மாகாண சபைகள் மற்றும் உள்ளூராட்சி அமைச்சு தெரிவித்துள்ளது.
இதனடிப்படையில் சுதந்திர தின விழாவில் பங்கேற்க அழைக்கப்படும் விருந்தினர்களின் எண்ணிக்கை 3000 இல் இருந்து 1600 ஆக குறைக்கப்படும் என அமைச்சர் பேராசிரியர் சந்தன அபேரத்ன குறிப்பிட்டார்.
இந்த ஆண்டு சுதந்திர தின விழாவில் ஜனாதிபதிக்கு 21 மரியாதை செலுத்தும் நிகழ்ச்சியும் இரத்து செய்யப்பட்டுள்ளது.
முப்படை மற்றும் பொலிஸ் அணிவகுப்பில் பங்குபற்றும் படையினரின் எண்ணிக்கையும் குறைக்கப்பட்டுள்ளதாக அமைச்சர் தெரிவித்தார்.
இராணுவ அணிவகுப்பின் போது கவச வாகனங்களை காட்சிப்படுத்துவதும் இந்த ஆண்டு சுதந்திர நினைவேந்தலின் போது செய்யப்படாது.
விமானக் காட்சிகளுக்கும் கட்டுப்பாடு விதிக்கப்பட்டுள்ளதாக அமைச்சர் தெரிவித்தார்.
இவ்வருட சுதந்திர நினைவேந்தல் அடுத்த மாதம் 4ஆம் திகதி ஜனாதிபதி அனுரகுமார திஸாநாயக்க தலைமையில் கொழும்பு சுதந்திர சதுக்கத்தில் நடைபெறும் என அமைச்சர் பேராசிரியர் சந்தன அபேரத்ன அறிவித்தார்.
இச் செய்தியினை ஏனையவர்களுக்கும் பகிர…👇👇
