“நான் நேர்மையானவன்” எனும் தொனிப்பொருளின் கீழ் இலஞ்சம் மற்றும் ஊழலை இல்லாது ஒழிப்பதற்கான தேசிய செயற்றிட்டத்தின் ஐந்தாவது நிகழ்வு 2023.11.27 அன்று பிரதேச செயலாளர் சோ.ரங்கநாதன் தலைமையில் வெல்லாவெளி சுகாதார வைத்திய அதிகாரி அலுவலக ஒன்றுகூடல் மண்டபத்தில் இடம்பெற்றது.
இந் நிகழ்வில் வெல்லாவெளி சுகாதார வைத்திய அதிகாரி , வெல்லாவெளி சுகாதார வைத்திய அதிகாரி அலுவலக உத்தியோகத்தர்கள் மற்றும் ஊழியர்கள் எனப் பலரும் கலந்துகொண்டனர்.
இந்தபயிற்சிநெறியில் இலஞ்சம் மற்றும் ஊழல் தொடர்பான விளக்கம் மற்றும் சட்ட ஏற்பாடுகள், அவற்றினால் ஏற்படும் பாதக விளைவுகள் என்பன தொடர்பாக வளவாளர்களான பிரதேச செயலாளர் சோ.ரங்கநாதன் மற்றும் உதவி பிரதேச செயலாளர் வி.துலாஞ்சனன் அவர்களினால் வெல்லாவெளி சுகாதார வைத்திய அதிகாரி அலுவலக உத்தியோகத்தர்கள் மற்றும் ஊழியர்களுக்கு விளக்கமளிக்கப்பட்டதுடன், அரச நிறுவனங்களில் இடம்பெறும் இலஞ்சம் மற்றும் ஊழல் தொடர்பாக சம்பவ கற்கைகள் மூலமும் உத்தியோகத்தர்களுக்கு தெளிவூட்டப்பட்டன.
இந்தச் செய்தியினை ஏனையவர்களுக்கும் பகிர… 👇👇
