நாட்டில் சீரற்ற வானிலை – அனர்த்த நிவாரணப் பணிகளுக்காக கடற்படை தயார் நிலையில்

நாட்டின் பெரும்பாலான பகுதிகளில் நிலவும் சீரற்ற வானிலை காரணமாக, அனர்த்த நிவாரணப் பணிகளுக்காகக் கடற்படை தயார் நிலையில் வைக்கப்பட்டுள்ளது. 

அறிக்கையொன்றை வெளியிட்டுள்ள கடற்படை, பாதிக்கப்பட்ட மக்களுக்கு நிவாரணம் வழங்குவதற்காக 171 கடற்படை அனர்த்த நிவாரணக் குழுக்கள் தயார் நிலையில் வைக்கப்பட்டுள்ளதாகத் தெரிவித்துள்ளது. 

அத்துடன் இன்று (21.09.2026) 14 அனர்த்த நிவாரணக் குழுக்கள் தெற்கு மற்றும் மேற்கு கடற்படைக் கட்டளைகளினால் நிலைநிறுத்தப்பட்டுள்ளதாகவும் கடற்படை குறிப்பிட்டுள்ளது. 

இதற்கமைய, தெற்கு கடற்படைக் கட்டளையினால் தவலம பகுதியில் இரண்டு குழுக்கள், ஹினிதும பகுதியில் ஒரு குழு, மாபலமக பகுதியில் ஒரு குழு மற்றும் நாகொட பகுதியில் ஒரு குழு என ஐந்து அனர்த்த நிவாரணக் குழுக்கள் நிலைநிறுத்தப்பட்டுள்ளன. 

அத்துடன் மேற்கு கடற்படைக் கட்டளையினால் நாவலப்பிட்டி பகுதியில் இரண்டு குழுக்கள், யட்டியாந்தோட்டை பகுதியில் இரண்டு குழுக்கள், சீதாவக்க பகுதியில் இரண்டு குழுக்கள் மற்றும் இரத்தினபுரி பகுதியில் மூன்று குழுக்கள் என ஒன்பது அனர்த்த நிவாரணக் குழுக்கள் தேவை ஏற்படின் ஈடுபடுத்துவதற்காக நிலைநிறுத்தப்பட்டுள்ளதாகவும் கடற்படை தெரிவித்துள்ளது.

இச் செய்தியினை ஏனையவர்களுக்கும் பகிர….👇👇