மட்டக்களப்பு, மண்முனை மேற்கு வவுணதீவு பிரதேச செயலாளர் பிரிவிலுள்ள பாவற்கொடிச்சேனை மாதர் அபிவிருத்தி சங்கத்தின் அனுசரணையில் , பிரதேச கிராம அபிவிருத்தி உத்தியோகத்தர் ஜீ.ஜெயகாந்த் தலைமையில் தையல் தொழிற்பயிற்சியை நிறைவுசெய்த யுவதிகளுக்கு சான்றிதல் வழங்கும் நிகழ்வு 15.02.2024 அன்று பாவற்கொடிச்சேனையில் இடம்பெற்றது.
இந் நிகழ்வில் தையல் ஆசிரியை எஸ்.சசிகலா, கிராம உத்தியோகத்தர்,
பிரதேச செயலக வெளிக்கள உத்தியோகத்தர்கள் உள்ளிட்ட பலரும் கலந்துகொண்டனர்.
இதன் போது தையல் பயிற்சியை மேற்கொண்ட யுவதிகளின் தையல் பொருட் கண்காட்சியும் விற்பனையும் இடம் பெற்றது.
நிகழ்வில் பிரதேச செயலாளர் திருமதி என்.சத்தியானந்தி பிரதம அதிதியாக கலந்து கொண்டு, தையல் உற்பத்திகளை பார்வையிட்டதுடன், 06 மாத கால பயிற்சியை நிறைவு செய்த யுவதிகளுக்கு சான்றிதழ்களையும் வழங்கி வைத்தார்.
மேலும் கடந்த வருடம் பாலர் பாடசாலையில் கல்வி கற்று இவ்வருடம் தரம் 1 க்கு செல்லவுள்ள மாணவர்களுக்கு பரிசுப்பொருட்களும் வழங்கி வைக்கப்பட்டது.
இச் செய்தியினை ஏனையவர்களுக்கும் பகிர…👇👇
