2024 ஆம் ஆண்டு பாரிஸ் ஒலிம்பிக் போட்டிகள் மற்றும் பாரா ஒலிம்பிக் விளையாட்டுப் போட்டிகளுக்குத் தயாராகும் வகையில் 58 விளையாட்டு வீரர்களைக் கொண்ட அணியை உயர் செயல்திறன் குழுவிற்கு விளையாட்டுத்துறை அமைச்சர் ஹரின் பெர்னாண்டோ பரிந்துரைத்துள்ளார்.
பாரிஸ் கோடைகால ஒலிம்பிக் போட்டிகள் ஜூலை 26 முதல் ஒகஸ்ட் 11 ஆம் திகதி வரையிலும், பாரா ஒலிம்பிக் போட்டிகள் ஒகஸ்ட் 28 முதல் செப்டெம்பர் 8 வரை பிரான்சின் பாரிஸில் நடைபெறவுள்ளன.
ஒலிம்பிக் போட்டிக்கு 11 வெவ்வேறு விளையாட்டுத் துறைகளில் மொத்தம் 33 வீரர்கள் தயாராகி வருகின்றனர், மொத்தம் 25 வீரர், வீராங்கனைகள் 8 வெவ்வேறு விளையாட்டுத் துறைகளில் பங்கேற்கத் தயாராகி வருகின்றனர் என விளையாட்டு மேம்பாட்டுத் துறையின் பணிப்பாளர் நாயகம் ஷேமல் பெர்னாண்டோ 22.02.2024 அன்று தெரிவித்தார்.
33 தடகள வீரர்களில் 19 பேர் பாரிஸ் ஒலிம்பிக் போட்டிகளில் தடகளப் போட்டிகளில் கௌரவத்திற்காக போட்டியிடுவார்கள்.
ஒலிம்பிக் மற்றும் பரா ஒலிம்பிக் விளையாட்டுகளுக்கு முன்னதாக மாதாந்த கொடுப்பனவைத் தவிர, இலங்கையின் உயர் செயல்திறன் விளையாட்டு வீரர்கள் பங்கேற்க தேவையான அனைத்து வசதிகளையும் நிதியையும் பெறுவதை இந்த முயற்சி உறுதி செய்கிறது.
பரா ஒலிம்பிக் விளையாட்டு வரலாற்றில், இலங்கை ஒரு தங்கப் பதக்கம் மற்றும் மூன்று வெண்கலப் பதக்கங்கள் உட்பட நான்கு பதக்கங்களை வென்றுள்ளது.
தினேஷ் பிரியந்த 2020 இல் தங்கப் பதக்கத்தையும், 2016 இல் வெண்கலப் பதக்கத்தையும், பிரதீப் சஞ்சய 2012 இல் வெண்கலப் பதக்கத்தையும், துலான் கொடிதுவாக்கு 2020 இல் வெண்கலப் பதக்கத்தையும் வென்றனர்.
இச் செய்தியினை ஏனையவர்களுக்கும் பகிர…👇👇
