‘B’ இரத்த வகை கொண்டவர்களுக்கு மகிழ்ச்சி தரும் ஆராய்ச்சி முடிவு ஒன்று வெளியாகியிருக்கிறது.
பொதுவாகவே, மக்கள் இளமையாக இருக்க வேண்டும் என்றுதான் விரும்புவார்கள்.
இளைஞர்கள் என்றாலே அதிக உற்சாகம், துள்ளலுடன் இருப்பார்கள். வயதாக வயதாக அந்த உற்சாகம் குறைந்துவிடும். துள்ளல் சற்று நடுக்கமாக மாறிவிடும்.
வாழ்வில் பார்க்கும் அனைத்துமே அழகாகத் தோன்றுவது இளமைக் காலத்தில் தான். எனவேதான், இளமையாக இருக்க வேண்டும் என்றுதான் மனிதர்கள் விரும்புவார்கள்.
ஆனால், எவருமே கடைசி வரை இளமையாக இருக்க முடியாது. இது மற்ற இரத்த வகைக்கு வேண்டுமானால் பொருந்துமாம். ஆனால் ‘B’ இரத்த வகை உடையவர்கள் அவ்வாறு இல்லையாம்.
அவர்கள் மற்ற இரத்த வகையினரை விடவும் அதிக காலம் இளமையாக இருப்பார்கள் என்று புதிய ஆய்வு ஒன்று தெரிவிக்கிறது.
இரத்த வகையில் ‘A’, ‘B’, ‘O’, ‘AB’ என நான்கு வகைகள் உள்ளன.
இதில், எதிர்மறை (Negative), நேர்மறை (Positive) எனப் பிரிக்கப்படும்.
இந்த நிலையில்தான், மனிதர்களின் வாழ் முறைக்கும் அவர்களது இரத்த வகைக்கும் ஏதேனும் தொடர்பிருக்கிறதா என்று ஆய்வுகள் தொடர்ச்சியாக நடந்து வருகிறது.
அதில் கிடைத்திருக்கும் தகவலின்படி, ‘B’ இரத்த வகை உள்ளவர்களின் இரத்த சிவப்பணுக்களில் பி எனும் ஆன்டிஜென் உள்ளது.
இது A ஆன்டிஜெனுக்கு எதிராக ஆன்டிபாடிகளை (Antibody) உருவாக்குகிறது.
அது மட்டுமல்லாமல், ‘B’ இரத்த வகையில் சிறந்த உயிரணு மீளுருவாக்கம் (cell regeneration) மற்றும் மீளுருவாக்கும் திறமை போன்றவை அதிகப்படியாக இருப்பதாகவும் விஞ்ஞானிகள் குறிப்பிட்டுள்ளனர்.
இந்த ஆய்வை அடிப்படையாக வைத்துக் கடந்த 2004ஆம் ஆண்டு டோக்கியோவில் 100 வயதைக் கடந்து வாழ்ந்து வந்த 269 பேரின் வாழ்முறை மற்றும் இரத்த வகையை ஆய்வு செய்த போது, அதிக நாள்கள் வாழ்பவர்களில் ‘B’ இரத்த வகை உடையவர்கள் அதிகம் இருந்ததும் கண்டுபிடிக்கப்பட்டமை குறிப்பிடத்தக்கது.
இந்நிலையில், இது தொடர்பான ஆய்வுகள் தீவிரமாக நடைபெற்று வருவதாகவும் விஞ்ஞானிகள் தெரிவித்துள்ளனர்.
இச் செய்தியினை ஏனையவர்களுக்கும் பகிர…👇👇
