இயற்கையில் மறைந்து வாழும் கலைக்கு (Camouflage) ஒரு புதிய சான்றாக, பனாமா மழைக்காடுகளில் கண்டறியப்பட்ட ஒரு வினோதப் பூச்சி விஞ்ஞானிகளை ஆச்சரியத்தில் ஆழ்த்தியுள்ளது.
பனாமாவின் பரோ கொலராடோ தீவில் (Barro Colorado Island) ஆராய்ச்சியாளர்கள் ஆய்வு மேற்கொண்டிருந்தபோது, அடர் இளஞ்சிவப்பு (Hot Pink) நிறத்தில் மின்னும் ஒரு கேட்டிடிட் (Katydid) வகை வெட்டுக்கிளியைக் கண்டனர். பொதுவாக இவை பச்சை நிறத்திலேயே காணப்படும் என்பதால், இது ஏதோ மரபணு கோளாறு என்று முதலில் கருதப்பட்டது.
அப் பூச்சியைக் கூர்ந்து கவனித்த ஆராய்ச்சியாளர்களுக்கு ஒரு பெரிய ஆச்சரியம் காத்திருந்தது. வெறும் 11 நாட்களில், அந்த இளஞ்சிவப்பு நிறப் பூச்சி மெல்ல மெல்ல தனது நிறத்தை மாற்றி, முழுமையான பச்சை நிறமாக மாறியது.
இந்த நிறமாற்றத்திற்கு பின்னால் ஒரு புத்திசாலித்தனமான வாழ்வியல் இரகசியம் ஒளிந்திருப்பதை விஞ்ஞானிகள் கண்டுபிடித்துள்ளனர்.
வெப்பமண்டல மழைக்காடுகளில் பல மரங்களின் புதிய இலைகள் முதலில் இளஞ்சிவப்பு அல்லது சிவப்பு நிறத்திலேயே துளிர்விடும். பின்னர் அவை வளர வளர பச்சை நிறமாக மாறும்.
இந்த இளஞ்சிவப்பு கேட்டிடிட் பூச்சிகள், அந்த இளம் இலைகளுக்கு நடுவில் அமர்ந்து எதிரிகளிடம் இருந்து தங்களை மறைத்துக்கொள்கின்றன.
இலைகள் பச்சையாக மாறும்போது, இப் பூச்சிகளும் தங்கள் நிறத்தை மாற்றிக்கொண்டு காடுகளோடு ஒன்றிவிடுகின்றன.
“இது வெறும் மரபணு மாற்றம் அல்ல; இது அந்த பூச்சியின் உயிர்வாழும் தந்திரம்,” என்று புனித ஆண்ட்ரூஸ் பல்கலைக்கழகத்தைச் சேர்ந்த ஆராய்ச்சியாளர் பெனிட்டோ வைன்ரைட் தெரிவித்துள்ளார்.
இச் செய்தியினை ஏனையவர்களுக்கும் பகிர…👇👇
