இலங்கை போக்குவரத்துச் சபையின் (SLTB) அவிசாவளை டிப்போவில், மோட்டார் மெக்கானிக் (Motor Mechanic) பயிற்சிபெறும் மாணவர்களுக்கான 15 நாட்கள் விசேட பயிற்சித் திட்டம் வெற்றிகரமாக நடாத்தி முடிக்கப்பட்டுள்ளது
குறிப்பாக, தேசிய இளைஞர் சேவைகள் மன்றத்தின் (NYSC) படங்கல (Batangala) மத்திய நிலையத்தைச் சேர்ந்த மெக்கானிக் மாணவர்களின் நடைமுறை அறிவு, தொழில்நுட்பத் திறன் மற்றும் கள அனுபவம் ஆகியவற்றை மேம்படுத்தும் நோக்கில் இப்பயிற்சித் திட்டம் ஏற்பாடு செய்யப்பட்டிருந்தது.
இதன்போது, இலங்கை போக்குவரத்துச் சபை பேருந்துகளின் முறையான பராமரிப்பு முறைகள், எஞ்சினின் இயக்கவியல் மற்றும் அதன் கட்டமைப்பு, மின்சார மற்றும் இயந்திரவியல் ரீதியான கோளாறுகளைக் கண்டறிந்து சரிசெய்தல், வேலைத்தளங்களில் பின்பற்றப்பட வேண்டிய பாதுகாப்பான வழிமுறைகள் போன்ற விடயங்கள் தொடர்பில் பயிற்சி அளிக்கப்பட்டன.
இலங்கை போக்குவரத்துச் சபையின் அனுபவம் வாய்ந்த தொழில்நுட்ப அதிகாரிகளின் (Technical Officers) நேரடி வழிகாட்டலின் கீழ் இப்பயிற்சித் திட்டம் முன்னெடுக்கப்பட்டது.
எதிர்காலத்திற்குத் தேவையான திறமையான மற்றும் பொறுப்புமிக்க மோட்டார் மெக்கானிக்குகளை உருவாக்குவதில் இது ஒரு முக்கிய மைல்கல்லாகக் கருதப்படுகிறது.
நாட்டின் இளைய தலைமுறையினரைத் தொழில்ரீதியாக வலுவூட்டுவதற்கும், பொதுப் போக்குவரத்துச் சேவையின் தரத்தை உயர்த்துவதற்கும் இலங்கை போக்குவரத்துச் சபை எப்போதும் அர்ப்பணிப்புடன் செயல்பட்டு வருகின்றமை இத்திட்டத்தின் மூலம் மீண்டும் உறுதிப்படுத்தப்பட்டுள்ளது.
இச் செய்தியினை ஏனையவர்களுக்கும் பகிர…👇👇
