நாடளாவிய ரீதியில் உள்ள இளைஞர் சமூகத்தை மீண்டும் உற்சாகப்படுத்துவதற்கான தேசிய வேலைத்திட்டம் ஆரம்பிக்கப்பட்டுள்ளது. கீழ்மட்டத்திலுள்ள இளைஞர், யுவதிகளின் வளர்ச்சிக்காக அணிதிரட்டுவதுதான் இதன் நோக்கம். நகர அபிவிருத்தி மற்றும் வீடமைப்பு அமைச்சர் பிரசன்ன ரணதுங்கவின் கோரிக்கைக்கு அமைய கம்பஹா மாவட்டத்தில் இருந்து இதனை ஆரம்பிக்குமாறு ஜனாதிபதி ரணில் விக்கிரமசிங்க பணிப்புரை விடுத்துள்ளார்.
இம்மாத இறுதிக்குள் இந்த வேலைத்திட்டத்தை கம்பஹா மாவட்டத்தில் ஆரம்பிக்க திட்டமிடப்பட்டுள்ளதாக அமைச்சர் பிரசன்ன ரணதுங்க தெரிவித்துள்ளார்.
கம்பஹா மாவட்ட செயலகத்தில் இடம்பெற்ற கலந்துரையாடலில் கலந்து கொண்ட அமைச்சர் இதனைத் தெரிவித்தார். கம்பஹா மாவட்டத்தில் முன்னெடுக்கப்படும் வேலைத்திட்டங்கள் தொடர்பில் கலந்துரையாடுவதற்காக தேசிய இளைஞர் சேவை மன்றம் இதனை ஏற்பாடு செய்திருந்தது.
இந்நாட்டின் மக்கள் தொகை தற்போது 21.41 மில்லியனாக உள்ளது. அந்த எண்ணிக்கையில் 23.08 சதவீதம் இளைஞர்கள் சமுதாயமாகும். இது நாட்டின் மொத்த மக்கள் தொகையில் நான்கில் ஒரு பங்காகும். இவர்களில், வேலையின்மையால் அவதிப்படும் இளைஞர்கள், பாடசாலைக் கல்வியைத் தவறவிட்டவர்கள், படிப்பை கைவிட்டவர்கள், உயர்கல்வி படிக்காதவர்கள், தேவையான நுழைவுத் தேர்வுகளுக்கான தகுதிகள் இல்லாதவர்கள் ஆகியோர் ஆண்டுதோறும் வேலையில் சேர்க்கப்படுகிறார்கள். அக்குழுவினரின் கோரிக்கைக்கு அமைய இந்த நிகழ்ச்சி ஏற்பாடு செய்யப்படுவதாக தேசிய இளைஞர் சேவை மன்றத்தின் பணிப்பாளர் (பயிற்சி/அபிவிருத்தி) ரசிக தெலபொல தெரிவித்தார்.
அதற்கு தேவையான அனைத்து வழிகாட்டல்களையும் தேசிய இளைஞர் சேவை மன்றம் செய்கிறது. கம்பஹா மாவட்டத்தின் ஒவ்வொரு பிரதேச செயலகப் பிரிவுகளிலும் இத்திட்டத்தை நடைமுறைப்படுத்த திட்டமிடப்பட்டுள்ளது. மினுவாங்கொடை பிரதேச செயலகத்தின் 121 கிராம சேவைப் பகுதிகளை மையப்படுத்தி அதன் முன்னோடி வேலைத்திட்டத்தை ஆரம்பிக்குமாறு அமைச்சர் பணிப்புரை வழங்கினார்.
ஒரு கிராம உத்தியோகத்தர் பிரிவில் இருந்து 15 – 29 வயதுக்குட்பட்ட 8 – 12 இளைஞர்கள், யுவதிகளைக் கொண்ட குழு முதல் திட்டத்திற்கு தேர்ந்தெடுக்கப்பட உள்ளது. பிரதேச செயலாளர்கள் மற்றும் இளைஞர் சேவை உத்தியோகத்தர்களுடன் இணைந்து தேவையான இளைஞர்களை தெரிவு செய்யுமாறு அமைச்சர் அதிகாரிகளுக்கு பணிப்புரை விடுத்தார்.
தேர்ந்தெடுக்கப்பட்ட இளைஞர்களை தேசிய மற்றும் உலகளாவிய தொழிலாளர் சந்தையை சமாளிக்கக்கூடிய நல்ல ஆளுமை கொண்ட ஒரு அறிவார்ந்த இளைஞர்களை உருவாக்க வழிகாட்டுதல் திட்டங்கள் மற்றும் குடியிருப்பு பயிற்சி திட்டங்கள் செயல்படுத்தப்படும்.
இக்கலந்துரையாடலில் இளைஞர்களின் எதிர்பார்ப்புகளை உணர்ந்து பல்வேறு துறைகளில் இத்திட்டத்தை முன்னெடுப்பது குறித்து கவனம் செலுத்தப்பட்டது.
மேலும் கருத்து தெரிவித்த அமைச்சர் பிரசன்ன ரணதுங்க,
தற்போதைய ஜனாதிபதி ரணில் விக்கிரமசிங்கவின் எண்ணப்படி தேசிய இளைஞர் சேவை மன்றம் ஸ்தாபிக்கப்பட்டது. அன்றைய தினம் ஆரம்பிக்கப்பட்ட இளைஞர் சேவை மன்றத்தின் ஊடாக இளைஞர் கழகங்களின் ஊடாக இளைஞர்களுக்கு பல பணிகள் மேற்கொள்ளப்பட்டன. அப்போது நாங்கள் எதிர்கட்சியில் இருந்த போதும் இளைஞர் சேவை மன்றத்தின் மூலம் பாரிய அளவிலான பணிகளை நிறைவேற்ற முடிந்தது.
இளைஞர்களின் ஆற்றலை வீதியில் இறக்காமல் நாட்டின் பொருளாதாரத்தில் பயன்படுத்த முடிந்தது. அப்போது அரசியல் இருக்கவில்லை. நாம் ஆட்சிக்கு வந்த பின்னர் யுத்த காலத்தில் இளைஞர் சமூகங்களை ஒன்றிணைத்து போர் வீரர்களுக்கு வீடுகளை வழங்கினோம். தொழில்முனைவோரை உருவாக்குவதற்கான திட்டங்களை செயல்படுத்தினோம். துரதிஷ்டவசமாக கடந்த காலங்களில் இளைஞர்களை ஒன்று திரட்டி நடைமுறைப்படுத்திய திட்டங்களை நடைமுறைப்படுத்த முடியவில்லை. இன்றைய இளைஞர்கள் சில அரசியல்வாதிகளின் கைக்கூலிகளாக மாறிவிட்டனர். அதை தடுத்து நிறுத்த இளைஞர் சமூக இயக்கம் புத்துயிர் பெற வேண்டும். அதனால் தான் இந்த திட்டம் செயல்படுத்தப்படுகிறது என தெரிவித்தார்.
இந்நிகழ்வில் கம்பஹா மாவட்ட செயலாளர் லலிந்த கமகே, தேசிய இளைஞர் சேவை மன்றத்தின் தலைவர் பசிது குணரத்ன மற்றும் பிரதேச செயலாளர்கள் குழுவினர் கலந்து கொண்டனர்.
இச் செய்தியினை ஏனையவர்களுக்கும் பகிர…👇👇
