மட்டக்களப்பு மாவட்டத்தில் பெய்துவரும் மழை – பல இடங்களில் வெள்ளம்

மட்டக்களப்பு மாவட்டத்தில் 29.11.2023 அன்று மாலை முதல் 30.11.2023 அன்று காலை வரை இடைவிடாத கடும் மழை காரணமாக பல இடங்களில் வெள்ளம் ஏற்பட்டுள்ளது.

30.11.2023 அன்று காலை 8.30 மணியுடன் நிறைவடைந்த 24 மணி நேரத்தில் 66.0 மில்லி மீற்றர் மழை பதிவாகியுள்ளதாக மாவட்ட வானிலை அவதான நிலையம் தெரிவித்துள்ளது.

கடும் மழை காரணமாக மாவட்டத்தில் காத்தான்குடி மண்முனை வடக்கு ஆரையம்பதி கிரான் உட்பட பல பிரதேச செயலகப் பிரிவுகளில் தாழ் நிலப்பகுதிகளில் நீர் தேங்கியுள்ளது.

நீர் தேங்கியுள்ளதால் பல வீதிகளில் போக்கு வரத்து பாதிக்கப்ட்டுள்ளதுடன் பாரிய இடி மின்னலும் ஏற்பட்டுள்ளது. தொடர்ந்தும் அடை மழை பெய்து வருகிறது என்பதும் குறிப்பிடத்தக்கது.

இந்தச் செய்தியினை ஏனையவர்களுக்கும் பகிர… 👇👇