நாட்டின் விலங்குகள் மற்றும் தாவரங்களைப் பாதுகாப்பதில் பெரும் பங்காற்றி வரும் வனவிலங்கு அதிகாரிகளில், தகுதி வாய்ந்த 60 அதிகாரிகளுக்குப் பதக்கங்கள் மற்றும் விருதுகள் வழங்கும் நிகழ்வு, கிரித்தலே தேசிய வனவிலங்கு ஆராய்ச்சி மற்றும் பயிற்சி நிலையத்தில் 28.06.2026 அன்று இரண்டாவது முறையாக மிகவும் வெற்றிகரமாக நடைபெற்றது.
வன மற்றும் மர பாதுகாப்பு கட்டளைத் தலைமையகத்தின் (Forest and Tree Protection Command) வழிகாட்டலில் இந்த நிகழ்வு ஏற்பாடு செய்யப்பட்டிருந்தது.
வனவிலங்கு பாதுகாப்புத் திணைக்களம் (Department of Wildlife Conservation) தனது அதிகாரிகளின் சேவையைப் பாராட்டும் வகையில் ஆண்டுதோறும் இந்த கௌரவிப்பு நிகழ்வை நடத்தி வருகிறது.
அதிகாரிகளின் சேவைக் காலம் மற்றும் அவர்கள் இதுவரை ஆற்றிய சிறப்பான சேவைகளை மதிப்பீடு செய்து, அவர்களின் திறமைகளை அங்கீகரிப்பதன் மூலம் அவர்களின் சுய கௌரவத்தை மேம்படுத்துவதும், அவர்களை வலுப்படுத்துவதுமே இந்த நிகழ்வின் பிரதான நோக்கமாகும்.
வனவிலங்கு முகாமைத்துவம் தொடர்பான பின்வரும் பயிற்சிக் கற்கைகளை வெற்றிகரமாக நிறைவு செய்த அதிகாரிகளுக்கே இந்த விருதுகள் வழங்கப்பட்டன:
வனவிலங்கு முகாமைத்துவ இளநிலைச் சான்றிதழ் பாடநெறி (Junior Certificate Course in Wildlife Management)
வனவிலங்கு முகாமைத்துவ முதுநிலைச் சான்றிதழ் பாடநெறி (Senior Certificate Course in Wildlife Management)
டிப்ளோமா பாடநெறி (Diploma Course)
இவை உட்பட மொத்தம் 07 துறைகளில் அதிகாரிகள் பெற்றுக் கொண்ட அறிவு மற்றும் அனுபவங்களின் அடிப்படையிலேயே இந்தத் தெரிவுகள் மேற்கொள்ளப்பட்டன.
குறித்த நிகழ்வு, வனவிலங்கு பாதுகாப்புத் திணைக்களத்தின் பணிப்பாளர் நாயகம் எம்.எஸ்.எல்.ஆர்.பி. மாரசிங்க தலைமையில் நடைபெற்றது.
நிகழ்வில் மேலதிக பணிப்பாளர் நாயகம் (நிர்வாகம்) மஞ்சுள அமரத்ன உள்ளிட்ட திணைக்களத்தின் உயர் அதிகாரிகள், பயிற்சியாளர்கள் மற்றும் வனவிலங்கு பாதுகாப்பு அதிகாரிகள் பலரும் கலந்துகொண்டனர்.
இச் செய்தியினை ஏனையவர்களுக்கும் பகிர…👇👇
