ஜனாதிபதி தலைமையில் நடைபெற்ற அனர்த்த முகாமைத்துவம் தொடர்பான கலந்துரையாடல் !

அனர்த்த முகாமைத்துவம் தொடர்பான கலந்துரையாடல் ஜனாதிபதி அநுர குமார திசாநாயக்க தலைமையில் ஜனாதிபதி செயலகத்தில் 16.11.2026 அன்று நடைபெற்றது.

காலநிலை மாற்றங்களின் தற்போதைய நிலை குறித்து வளிமண்டலவியல் திணைக்கள அதிகாரிகளால் ஜனாதிபதிக்கு விளக்கமளிக்கப்பட்டது.

தற்போது முகம்கொடுத்துள்ள வெப்பமான காலநிலை மற்றும் அதிக மழைவீழ்ச்சி நிலைமை தொடர்பாக மேற்கொள்ளப்பட்டுள்ள எதிர்வுகூறல் தரவுகளை மேலும் பகுப்பாய்வு செய்து, இதன் மூலம் ஏற்படக்கூடிய சமூக தாக்கம் குறித்து எதிர்வுகூறல் அறிக்கை ஒன்றை தயாரிக்குமாறு ஜனாதிபதி பணிப்புரை விடுத்தார்.

இதன் மூலம் குடிநீர், மின்சாரம், உணவுத் தேவைகள் போன்றவற்றை முகாமைத்துவம் செய்தல் மற்றும் வனவிலங்குகளுக்கு ஏற்படக்கூடிய தாக்கங்களை கண்டறிவது தொடர்பில் நிலைபேறான தீர்வுகளை வழங்குவதற்காக தற்போது தயாரிக்கப்பட்டுள்ள திட்டங்களை புதுப்பித்துக் கொள்ள முடியுமென ஜனாதிபதி மேலும் குறிப்பிட்டார்.

குறித்த எதிர்வுகூறல் அறிக்கையைத் தயாரித்ததன் பின்னர் கள அதிகாரிகளை அழைத்து இது குறித்து மேலும் கலந்துரையாட வேண்டுமென மேலும் ஜனாதிபதி வலியுறுத்தினார்.

இக் கலந்துரையாடலில் பாதுகாப்பு பிரதி அமைச்சர் மேஜர் ஜெனரல் (ஓய்வுபெற்ற) அருண ஜயசேகர, பாதுகாப்பு அமைச்சின் செயலாளர் எயார் வைஸ் மார்ஷல் சம்பத் துய்யகொந்தா,அனர்த்த முகாமைத்துவ நிலையத்தின் பணிப்பாளர் நாயகம் மேஜர் ஜெனரல் (ஓய்வுபெற்ற) சம்பத் கொட்டுவேகெதர, வளிமண்டலவியல் திணைக்களத்தின் பணிப்பாளர் நாயகம் ஏ.எல்.கே. விஜேமான்னகே மற்றும் தேசிய கட்டிட ஆராய்ச்சி நிறுவனத்தின் பணிப்பாளர் நாயகம் கலாநிதி காமினி ஜயதிஸ்ஸ ஆகியோர் உட்பட அதிகாரிகள் பலர் கலந்துகொண்டனர்.

இச் செய்தியினை ஏனையவர்களுக்கும் பகிர….👇👇

Loading

Candy Land Batticaloa
Facebook
Twitter
LinkedIn
WhatsApp

Leave a Reply

Your email address will not be published. Required fields are marked *

Categories

Popular News

Our Projects