ஹங்ஸோ ஒலிம்பிக் நீர்நிலை விளையாட்டுத் தொகுதி தடாகத்தில் வியாழக்கிழமை (28) நடைபெற்ற ஆண்களுக்கான 50 மீற்றர் வண்ணத்துப்பூச்சி வகை நீச்சலின் 5ஆவது தகுதிகாண் போட்டியை 24.58 செக்கன்களில் நிறைவு செய்வதன் மூலம் மெத்யூ அபேசிங்க தேசிய சாதனையை நிலைநாட்டினார்.
எனினும் அந்த தகுதிகாண் போட்டியில் மெத்யூ அபேசிங்க 6ஆவது இடத்தைப் பெற்றதுடன் 40 நீச்சல் வீரர்கள் பங்குபற்றிய 5 தகுதிகாண் போட்டிகளிலும் ஒட்டுமொத்த நிலையில் 13ஆம் இடத்தைப் பெற்றார். இதேவேளை, 3 ஆவது தகுதிகாண் போட்டியில் பங்குபற்றிய மற்றொரு இலங்கையரான திமுத் அக்கலன்க பீரிஸ் (24.91 செக்) 7ஆவது இடத்தைப் பெற்றார். ஒட்டுமொத்த நிலையில் அவரது நேரப் பெறுதி 22ஆவது இடத்தைப் பெற்றது.
