ஜனாதிபதி அனுரகுமார திசாநாயக்க தலைமையிலான புதிய அமைச்சரவை 24.09.2024 அன்று பதவியேற்றப்பட்டது .
இந் நிலையில் புதிய அமைச்சரவைக்கு செயலாளர்கள் நியமிக்கப்பட்டுள்ளனர்.
மஹிந்த சிறிவர்தன நிதி, பொருளாதார அபிவிருத்தி, கொள்கை அமுலாக்கம், திட்டமிடல் மற்றும் சுற்றுலா அமைச்சின் செயலாளராக நியமிக்கப்பட்டுள்ளார்.
வெளிவிவகார அமைச்சின் செயலாளராக அருணி விஜேவர்தன நியமிக்கப்பட்டுள்ளார்.
நீதி, பொது நிர்வாகம், உள்நாட்டலுவல்கள், மாகாண சபைகள், உள்ளூராட்சி மற்றும் தொழிலாளர் அமைச்சின் செயலாளராக பிரதீப் யசரத்ன நியமிக்கப்பட்டுள்ளார்.
எம்.டி.ஜே. பெர்னாண்டோ அமைச்சரவை செயலாளராக நியமிக்கப்பட்டார். போக்குவரத்து, நெடுஞ்சாலைகள், துறைமுகங்கள் மற்றும் சிவில் விமானப் போக்குவரத்து அமைச்சின் செயலாளராக கே.டி.எஸ். ருவன்சந்திரா நியமிக்கப்பட்டார்.
கல்வி, விஞ்ஞானம் மற்றும் தொழில்நுட்ப அமைச்சின் செயலாளராக திலகா ஜயசுந்தர நியமிக்கப்பட்டார்.
மேலும் பெண்கள், சிறுவர் மற்றும் இளைஞர் விவகாரங்கள் மற்றும் விளையாட்டுத்துறை அமைச்சின் செயலாளராக கே.மகேசன் நியமிக்கப்பட்டுள்ளார்.
எம்.எம். நைமுதீன் வர்த்தகம், வர்த்தகம், உணவுப் பாதுகாப்பு, கூட்டுறவு அபிவிருத்தி, கைத்தொழில்கள் மற்றும் தொழில்முனைவோர் அமைச்சின் புதிய செயலாளராக நியமிக்கப்பட்டுள்ளார்.
எம்.பி. அத்தபத்து கிராம மற்றும் நகர அபிவிருத்தி, வீட்டுவசதி மற்றும் கட்டுமான அமைச்சகத்தின் செயலாளராக நியமிக்கப்பட்டுள்ளமை குறிப்பிடத்தக்கது.
இச் செய்தியினை ஏனையவர்களுக்கும் பகிர…👇👇
