2023 ஆம் ஆண்டு தரம் 5 புலமைப் பரிசில் பரீட்சையில் சித்தி பெற்ற மாணவர்களை கௌரவிக்கும் நிகழ்வு கல்குடா கல்வி வலயத்திலுள்ள பேத்தாழை சந்திரகாந்தன் வித்தியாலயத்தில் அதிபர் க.கதிர்காமநாதன் தலைமையில் அண்மையில் நடைபெற்றது.
நிகழ்வில் கிராமிய வீதி அபிவிருத்தி இராஜாங்க அமைச்சர் சிவநேசதுரை சந்திரகாந்தன் , அயல் பாடசாலை அதிபர்கள், ஆசிரியர்கள் பெற்றோர்கள் என பலரும் கலந்து கொண்டனர்.
குறித்த பாடசாலையில் 12 மாணவர்கள் தரம் 5 புலமை பரீட்சையில் சித்திபெற்று பாடசாலைக்கு பெருமை சேர்த்துள்ளனர்.சித்திபெற்ற மாணவர்களுக்கும் பெற்றோர்களுக்கும், கல்வி கற்பித்த ஆசிரியர்கள் மற்றும் அதிபர் ஆகியோர்களுக்கு நிகழ்வில் அதிதியாக கலந்து கொண்ட கிராமிய வீதி அபிவிருத்தி இராஜாங்க அமைச்சர் சிவநேசதுரை சந்திரகாந்தன் பாராட்டுகளை தெரிவித்ததோடு சித்தி பெற்ற மாணவர்களுக்கு பரிசில்கள், துவிச்சக்கர வண்டிகளை வழங்கி வைத்தார். அத்தோடு சிறுவர் சேமிப்பு கணக்கு புத்தகமும் இதன்போது வழங்கப்பட்டது.
இந்தச் செய்தியினை ஏனையவர்களுக்கும் பகிர… 👇👇
