2026 ஜூன் 15 ஆம் திகதிக்கான வானிலை முன்னறிவிப்பு 2026 ஜூன் 15 ஆம் திகதி அதிகாலை 05.30 மணிக்கு வெளியிடப்பட்டது.
மேல், சப்ரகமுவ மற்றும் வடமேல் மாகாணங்களிலும் காலி, மாத்தறை, கண்டி மற்றும் நுவரெலியா மாவட்டங்களிலும் பல தடவைகள் மழை பெய்யும் என எதிர்பார்க்கப் படுகின்றது.
ஊவா மற்றும் கிழக்கு மாகாணங்களிலும் முல்லைத்தீவு மாவட்டத்திலும் சில இடங்களில் பி.ப. 2.00 மணிக்குப் பின்னர் மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுகின்றது.
மத்திய மலைநாட்டின் மேற்கு சரிவுப் பகுதிகளிலும் வடக்கு மற்றும் வடமத்திய மாகாணங்களிலும் ஹம்பாந்தோட்டை மற்றும் திருகோணமலை மாவட்டங்களிலும் அவ்வப்போது மணித்தியாலத்துக்கு 30-40 கிலோ மீற்றர் வரையான வேகத்தில் ஓரளவு பலத்த காற்று வீசக் கூடும் என எதிர்பார்க்கப் படுகின்றது.
இடியுடன் கூடிய மழை பெய்யும் வேளைகளில் அப் பிரதேசங்களில் தற்காலிகமாக வீசக் கூடிய பலத்த காற்று மற்றும் மின்னல் தாக்கங்களினால் ஏற்படக்கூடிய பாதிப்புகளை குறைத்துக்கொள்ள தேவையான முன்னெச்சரிக்கை நடவடிக்கைகளை எடுத்துக் கொள்ளுமாறு பொதுமக்கள் அறிவுறுத்தப் படுகின்றார்கள்.
மழை நிலவரம்:
கொழும்பு மற்றும் காலி வழியாக சிலாவிலிருந்து மாத்தறை வரையிலான கடலோரப் பகுதிகளில் பல இடங்களில் சாரல் அல்லது இடியுடன் கூடிய மழை பெய்யும்.
காற்று:
காற்று தென்மேற்கு திசையில் வீசும். காற்றின் வேகம் மணிக்கு (30-40) கி.மீ. ஆக இருக்கும். ஹம்பாந்தோட்டை வழியாக காலியிலிருந்து பொத்துவில் வரையிலான கடலோரப் பகுதிகளில் காற்றின் வேகம் அவ்வப்போது மணிக்கு (50-60) கி.மீ. வரை அதிகரிக்கக்கூடும். காங்கேசன்துறை, புத்தளம் மற்றும் கொழும்பு வழியாக திருகோணமலையிலிருந்து காலி வரையிலான கடலோரப் பகுதிகளில் காற்றின் வேகம் அவ்வப்போது மணிக்கு 50 கி.மீ. வரை அதிகரிக்கக்கூடும்.
கடல் நிலை: ஹம்பாந்தோட்டை வழியாக காலியிலிருந்து பொத்துவில் வரையிலான கடலோரப் பகுதிகளில் கடல் அவ்வப்போது கொந்தளிப்பாக இருக்கும். காங்கேசன்துறை, புத்தளம் மற்றும் கொழும்பு வழியாக திருகோணமலையிலிருந்து காலி வரையிலான கடலோரப் பகுதிகளில் கடல் அவ்வப்போது ஓரளவிற்கு கொந்தளிப்பாக இருக்கும்.
கல்பிட்டியாவிலிருந்து கொழும்பு, காலி மற்றும் ஹம்பாந்தோட்டை வழியாக பொத்துவில் வரையிலான கடலோரப் பகுதிகளில் அலைகளின் உயரம் சுமார் (2.0 – 2.5) மீட்டர் வரை அதிகரிக்கக்கூடும்.
இடியுடன் கூடிய மழையின் போது தற்காலிகமாக பலத்த சூறாவளிக் காற்றும், மிகவும் கொந்தளிப்பான கடலும் எதிர்பார்க்கப்படலாம்.
(வளிமண்டலவியல் திணைக்களம்)
இச் செய்தியினை ஏனையவர்களுக்கும் பகிர…👇👇
